Albanische Sprache
Us der alemannische Wikipedia, der freie Dialäkt-Enzyklopedy
| Albanisch (Shqip) | ||
|---|---|---|
| Gsproche i: | Albanie, Kosovo, Mazedonie, Montenegro, Serbie, Kroatie, de Türkei und Rumänie, usserdem z Idalie und Griecheland und als Ywanderersproch z West- und Mitteleuropa sowie Nordamerika und Australie | |
| Sprecher: | 7-9 Millione | |
| Linguistischi Klassifikation: |
|
|
| Unterteilige: |
Gegisch und Toskisch |
|
| Offizieller Status | ||
| Amtssproch i: |  Albanie Kosovo Mazedonie Montenegro |
|
| Sprochchürzel | ||
| ISO 639-1: | sq | |
| ISO 639-2: | alb | sqi |
| SIL: | als (Toskisch), aln (Gegisch), aat, aae | |
| Technische Yschränkung: Dr koräkt Titel wär: »Albanischi Sproch« |
Die albanischi Sproch (Albanisch: Gjuha Shqipe /ˈɟuˌha ˈʃciˌpɛ/) ghört zu de indogermanische Sproche.
Inhaltsverzeichnis |
[ändere] Dialækt
Grundsätzlich underscheidet mer zwüsche zwei Dialæktgruppe, em Gegische und em Toskische. Sælli werre widderum in verschydeni Underdialækte underdeilt. Hochsproch vom Albanische isch de toskische Dialækt. Allerdings werre (vor allem in de Medie) immer meh gegischi Usdrück übernoh.
[ändere] Verbreitig
D Sproch isch in ganz Albanie und usserdem in Deile vo Mazedonie, Serbie, Griecheland und Montenegro gschwätzt. Z Süditalie und Sizilie git s Minderheite wo Albanisch schwätze, insgsamt öbbe 100'000.
D Gsamtzahl vo Spræcher wird uff sybe bis nün Millione gschätzt.
[ändere] Gschicht
Im 1. Johrdausend hät sich d Sproch vo de andere indogermanische Sproche abgspaltet. Am Afang ßin d Albaner numme in wenige Teile vom hüttige Albanie gßi; spöter hän si sich bis an d Mittelmeerküste usbreitet. E baar byzantischi Schriftsteller hän vo de albanische Sproch berichtet. Bis ins nünzæhnte Johrhundert ßin Slawe uss de Nochbarländer ygwandert und hän d Sproch übernoh.
Wirklig uff Albanisch gschrybe worde isch erscht im 18. Johrhundert. Zwar hät mer scho Beleg vo albanischsprochige Biecher (s ältschte vo 1555), allerdings hät s erscht 1870 die erste Zitige und Zitschrifte uff Albanisch geh. Dörtmols isch no mit em Griechische, Arabische, sæltener mit em Latynische Alphabet gschrybe worre. 1908 hät mer sich an me Kongress druff geinigt, dass numme no mit latynische Büchstabe gschrybe und d Sunderzeiche ç und ë verwændet werre solle.
[ändere] Alphabet
Sit 1908 wird s latynische Alphabet verwendet. Züesätzlig zu dem sine Büechstabe verwændet mer d Sunderzeiche ç und ë und Diagrafe dh, gj, ll, nj, rr, sh, th, xh und zh.
[ändere] Ussproch
D Betonig ligt oft uff de zweitletschte Silbe.
[ändere] Konsonante
| Büechstabe | IPA | Beschrybig |
| c | [ts] | wie s Alemannische z |
| ç | [ʧ] | wie in "dütsch" |
| ë | [œ], [ə] | kurzes ö, Schwa am Wortænd |
| q | [c] | t + Mischig zwüsche hochdütschem ch und langem ii |
| r | [ɾ] | Zungespitze-R mit einem Schlag |
| x | [ʣ] | d + stimmhafts s |
| y | [y:] | langs ü |
[ändere] Diagrafe
| Diagraf | IPA | Beschrybig |
| dh | [ð] | wie im ænglische this |
| gj | [ɟ] | Mischig zwüsche hochdütschem ch und langem ii |
| ll | [ɫ] | wie im ænglische "tell" |
| nj | [ɲ] | wie gn im Französische und Idaliænische |
| rr | [r] | grolltes r wie z.B. im Berndütsche |
| sh | [ʃ] | wie alemannischs sch |
| th | [θ] | Lispellut |
| xh | [ʤ] | d + stimmhafts sch |
| zh | [ʒ] | stimmhafts sch |
[ändere] Vokale
Im (Toskisch-)Albanische git s d Vokal [a], [ɛ], [ə], [i], [ɔ], [u] und [y]. Im Gegische git s usserdem [ɑ] , [ɒ] , [ɪ] , [ŋ] , [ɳ] , [ø] , [ɔ] , [ɹ] , [ʊ] und [ʏ].
[ändere] Grammatik
[ändere] Nome
D Nome könne bstimmt oder unbstimmt ßy. De unbstimmte goht meistens de Artikel "një" vorus, an di bstimmte wird s Suffix -i aghänkt, also një dollap - e Schrank und dollapi - de Schrank.
Im Albanische git s fümf bzw. sechs Fäll:
Alli Fäll (au de Nominativ) werre durch Ændige azeigt.
D Pluralbildig isch wie im Dütsche und Alemannische sehr kompliziert. S git etwa hundert verschiedeni Klasse vo Nome.
[ändere] Verbe
D Grammatik isch bezüglig Verbe de französische zimlig ähnlich. So git s zum Bispyl de Subjonctiv (französische Konjunktiv) und ähnlichi Vergangeheitsforme.
[ändere] Adjektiv
S Adjektiv stoht hinder em Nome. Zum Teil goht em e Artikel ("i" oder "e") vorus und stoht hinder em Nome. E andere Deil vo de Adjektive hät kei Artikel.
[ändere] Präpositione
Präpositione verlange entweder de Akkusativ oder de Dativ.
[ändere] Webgleicher
D Wikipedia uff Albanisch — e freii Enzyklopädy
S Wiktionary uff Albanisch — e freis Wörterbüech
Wikiquote uff Albanisch — Zitate
Wikibooks uff Albanisch — Lern- und Lehrmaterialie