Daniel de Roche
Us der alemannische Wikipedia, der freie Dialäkt-Enzyklopedy
De Daniel de Roche (* 1954) isch en Schwiizer Pfarrer un Politiker (EVP). Er isch Synodalratspräsident vo de Evangelisch-reformirte Chiuche vom Kanton Fryburg un Grossrot.
Inhaltsverzeichnis |
[ändere] Bruef
De Daniel de Roche het evangelischi Theologii studiirt un isch Pfarrer. Sini letschti Gmeinspfarrstell het er z Cordast gha. Sit 1999 isch er Synodalrotspräsident.
[ändere] Politik
Im März 2000 isch de Daniel de Roche in de Verfassigsrat vom Kanton Fryburg gwählt worde. Derte het er sich vor allem defür iigsetzt, dass es bi de öffentlich rechtliche Aerkennig vo de Chilene bliibt. Au d Möglichkeit andere Religionsgmeinschafte e öffentlich rechtlichi Aerkennig zu z erkenne isch uf sini Initiative hi i de noie Verfassig, wo im Mai 2004 vom Fryburger Stimmvolk isch aagno worde, verankeret [1]. Bi de Grossrotswahle am 5. November 2006 isch er für d EVP i de Grosse Rot vom Kanton Fryburg gwählt worde. Will er s einzig EVP-Mitgliid im Grossrot isch, het er sich de Fraktion "Mitte-Links-Bündnis" (MLB) aagschlosse, wo au di Grüene un CSP derbi isch. De Daniel de Roche isch Mitglid bim VCS, ProNatura und ProFribourg. [2]
[ändere] Einzelnachwiis
- ↑ http://www.evppev-fr.ch/de/medien/53125296d813dea06/index.html Info vo de EVP Fryburg
- ↑ http://www.evppev-fr.ch/de/downloads/evpgrossratswahlen2006.pdf EVP Info zu de Grossrotswahle