Italėjės vieliava
Straipsnis ėš Vikipedėjės, encikluopedėjės žemaitėškā.
Italėjės vieleva (italėškā dažnā vadėnama Il Tricolore) - trėspalvė vieleva sudarīta iš trijū vėinuoda dīde spalvū: žaliuos, baltuos ė rauduonuos. Spalvas vielevuo išdiestītas vertikalē.
[taisītė] Spalvū reikšmes
Pėrm kart panašaus dėzaina vieleva bova nauduojama 1796 Kispadanes Respoblikuo pu Napoleuona armėjes žīgiū per Italėjė. Tou meto bova ikorta daugīb' smulkiū respublikū remontėis Jakobinū valdima muodelio ė beveik vėsas sava vielevoms nauduojė Prancūzėjes trėspalves dėzain derėnont skirtingus spalvū varijantus. Kispadanes respoblika pasirinka rauduon ė balt spalvas (Milana vielevas spalvas) bei žal', katra bova Lombardėjas legijuono spalva.
Dažniausē vielevas spalvū reikšmes aiškėnamas tep: žalia simbolizoun līgomas ė kalnus, balta simbolizoun snėigoutasias Alpes, vuo rauduona reišk krauja pralėit Italėjes nepriklausomībes karū meto. Egzistoun dar vėina labiau relėgėnė interpretacėjė, katra teig, kad žalia simbolizoun vilti, balta tikiejėm ė rauduona dosnoma.
[taisītė] Panašoms i kėtas vielevas
Dėl sava kėlėma iš Prancūzėjes vielevas, Italū trėspalvė īr panaši i daugom vielevū, katruos tor tas pates kėlėma šaknis. Pažimietėns vielevas panašoms i Airėjės vielev, katra īr žali, balta ė oranžėnė, bei i Dramble Kaula Kranta vielev, katruos spalvas išdiestītas atvėrkštē: oranžėnė, balta ė žalia.
Italėjės vieleva īr idėntėška Meksikas vielevas pagrindou.