Stilistiko
El Vikipedio
(Alidirektita el Stiloscienco)
Stilistiko estas la nomo de scienca branĉo kiu studas la stilon en la lingvoj ĝenerale aŭ en unu konkreta lingvo aŭ ĉe unu konkreta aŭtoro aŭ ĉe unuopaj literaturaj ĝenroj.
La stilistiko esploras, kiel la aplikata lingvaĵo varias depende de la kunteksto, funkcio kaj situacio. Ene de (unuopa) lingvo la stilo dependas de tio, ĉu temas pri interparolo inter amikoj, konverso inter partneroj en negoco, disputo inter politikaj kontraŭuloj, ĉu oni volas eduki aŭ prediki.
La stilistiko analizas vortelekton, sintakson, ritmon kaj aliajn stilelementojn.
Ĉiu literatura ĝenro posedas aron de stilreguloj, per kiu ĝi sin diferencigas de aliaj.
