Vikipedio:La perfekta ĝermo de artikolo
El Vikipedio
- (Malnova nomo: La perfekta stumpa artikolo)
Ĝermoj, iam malrespekte nomataj Stumpoj, ofte estas konsiderataj nigraj ŝafetoj de la Vikipediejo. Multaj homoj primokas ilin, kaj faras malbonajn komentojn pri la abisma kvalito de informo havebla ĉe Vikipedio. Tamen el ĝermo povas elkreski bonega artikolo. Preskaŭ ĉiuj artikoloj de Vikipedio naskiĝis malgrandaj.
Kreante aŭ redaktante artikol-ĝermon, memoru ke ĝia valoro estas ĉefe ĝia iĝonteco, kaj ĝi kresku, se ĝi iĝos iu ajn. Ne supozu ke aldonoj aŭ korektoj realiĝas per si mem. La plej bona maniero por logi la atenton de aliaj estas mem redakti la artikolon. Ja eĉ malgranda redakto aperos ĉe la paĝo de "Lastaj Ŝanĝoj" , kie multaj vikipediaj veteranoj ĝuas sekvi aktivecon, kaj helpi kiam estas laboro farota.
Vi ne devas fari egan esploradon por krei firmaĵon sur kiun aliaj konstruos entuziasme, sed vi devas esti sufiĉe pensema por aldoni viajn sciojn aŭ korekti erarojn. Laŭ proverbaj sugestoj pri Vikipedio, estas la celo ke artikoloj ne devas esti "perfektaj". Tamen evitu troan rapidemon; misliterumoj pro neglekto estas malĝentilaĵo, kiu ne entuziasmigos aliajn, sed male. Neniu tro ŝatos daŭre transpreni laboron, kiun vi mem povus fari tuj post refoja tralego. Jen rekomendo de kelkaj gvidlinioj:
- Aldonu mesaĝon "Ĉi tiu artikolo estas ĝermo." , tajpante {{ĝermo}}!
- Por enkonduko metu precizan difinon pri via temo!
- Kreu kompletajn, klarajn frazojn kun bona gramatiko!
- Prefere tekstu du aŭ tri frazojn anstataŭ unu konfuze longegan!
- Pripensu, ke la tekston legos plej diversaj homoj, ne nur pintinteligentaj intelektuloj de via speco!
- Ne aldonu troajn detalojn! Enmetu tiujn prefere en apartan artikolon!
- Aldonu plian informon, nur ete. Ne malhelpos esti provoka, se vi klopodos esti senjuĝa kaj ĉefe ĝusta. Skribu interesajn aŭ gravajn faktojn pri la temo!
- Ligu al artikoloj, kiuj estas proksimaj al la temo de via artikolo!
- Enskribu la artikolon kun Resumo, kiu logos la atenton de aliaj al via ĝermo!
- Sentu respondecon pri via ĝermo! Se, post kelkaj semajnoj, neniu estos pligrandiginta vian ĝermon, tiam pligrandigu ĝin vi mem!
- Ne nur aldonu ligojn. Ligoj estas gravaj, sed solaj ili diras malmulte pri la temo!
- Traserĉu la alilingvajn samtemajn artikolojn kaj transprenu bildon, kiu estu altkvalita kaj bone ilustras esencaĵon de via artikolo! Tio eblas eĉ sen lingvokonoj.