Giorgione

Uit Wikipedia

Zelfportret

Giorgione (echte noame Giorgio Barbarelli), (Castelfranco Veneto, ca. 1476 - Venetië, 25 oktober 1510), was e kunstschilder uut d’Italioansche Hoogrenaissance in ’t begun van de 16ste êeuwe en êen van de belangrykste mêesters van de Venetioansche Schole.

Je was e genioaln vernieuwer. Zelfs oudere schilders uut dien tyd, lik Giovanni Bellini, lietn under deur em beïnvloedn.

Je makte surtout weireldse schilderyen. Ze zyn poëtisch, lyrisch, en mysterieus, me schône figeurn in dromerige landschappn, die doen peizn an sommigte stikkn van Shakespeare.

Je was e tyd-en studiegenôot van Titiaan en z’en makoar styf beïnvloed, woadeure dat ’t moeilik is van under werk uut dien tyd uut makoar t’oudn. D’r zyn doadeure mo zestien werkn die zeker van em zyn.

Giorgione is jounk gestorvn, verzekers van de pest. Achter z’n dôod in 1510 volgde Titiaan z’n voorbeeld en je zou z’n ounvotooide werkn ofgemakt en.

[bewerkn] Zyn belangrykste werkn

• Oude vrouwe, ca.1502-1503, Galleria dell'Accademia, Venetië
• ’t Ounweer (ca. 1508), Galleria dell'Accademia, Venetië
• Landelikke fêeste, Musée du Louvre, Parys
• De drie filosoofn ca. (1509), Kunsthistorisches Museum, Wenen
• Sloapnde Venus (1508-1510) Gemäldegalerie Dresden

Gallerye

Oude vrouwe (ca.1502-1503) Galleria dell'Accademia, Venetië	’t Ounweer (ca. 1508), Galleria dell'Accademia, Venetië	Landelikke fêeste, Musée du Louvre, Parys	De drie filosoofn (ca.1509), Kunsthistorisches Museum, Wenen
Sloapnde Venus (1508-1510), Gemäldegalerie Dresden	Detail	Laura (ca.1506), Kunsthistorisches Museum, Wenen	Landschap me zunsoundergank (ca.1505), National Gallery, Londn

Mêer ofbeeldiengn die ier by passn ku je vien in de categorie Giorgione van Wikimedia Commons.